Oranjestad: Diasabra pa mas o menos 6 ‘or di atardi, polis a cuminsa cu un control pisa den area di Oranjestad y becindario, e control aki lo sigui te pa 6 or di mainta.
Varios persona indocumenta cu tabata den lugarnan publico y riba caya a keda deteni.
Den Hendrikstraat dos persona indocumenta, na momento cu nan a mira polis nan a core subi riba dak di un edificio y a trata na sconde pa autoridad, pero algun persona na e sitio a mira unda e dosnan aki tabata scondi y a bisa polis.
E agentenan policial mesora a subi riba e dak di e edificionan. Nan a detene un riba un dak y e otro a bay riba dak di un otro edificio mas halto, pero polisnan a bay su tras y maske cu ela trata na resisti, polis a domine y a detene.
Nan a wordo entrega den man di Guarda Nos Costa pa asina cuminsa haci e preparacionnan pa nan por regresa nan pais bek.
Control ta sigui den area di Oranjestad y becindario.