Parlamentario Endy Croes a elabora durante siman alrespecto e motorrijtuig en bootbelasting. E ley aki a wordo aproba den Parlamento di Aruba cu 12 voto di AVP na fabor y 4 contra y tabatin 5 miembro di parlamento cu no tabata presente. Fraccion di MEP a vota contra esaki debi cu tabata tin diferente parti den dje cu no tabata cuadra y contra e homber chikito. AVP a bay di acuerdo pa impone boet riba esnan cu paga laat pero hasta AVP cu e ley aki cu nan a aproba a duna DIMP e autoridad y poder pa por tuma bo auto den beslag y te hasta DIMP por bay over pa bende bo auto of boto na findishi. Parlamentario Croes a sigui splica cu tristesa el a atende un señora di 65 aña kende a cumpra un auto for di un cabayero hoben esta un tal Juni. E señora a conta Parlamentario Croes cu pa mas di 30 aña semper el a paga su belasting di number di auto sagradamente y no debe gobierno net nada riba su numbernan. Despues di a paga Juni pa e auto e señora a sali contento pa bay pone e number cu pa mas di 30 aña el a usa riba su auto nobo. Pa su sorpresa a resulta cu e juffrouw cu a atende a bis’e cu e no por haci esey. Claro cu e señora grandi aki a rabia y ta puntra kico ta pasando cu el a cumpra un auto y ta solamente mester traspasa su propio number cu ta paga riba e auto cu el a caba di cumpra. E juffrouw a splica e señora cu Juni kende a bende e señora e auto debe belasting riba e number cu ta di Juni y e ley nobo aproba pa AVP na December 2016 ta stipula cu si esun cu a bende su auto tin debe y tanten cu e no paga su number esun cu a cumpra e auto no por pone un number riba e auto cu el a cumpra. Segun Parlamentario Croes el a verifica esaki cu algun colega y enberdad AVP a castiga pueblo cu nan forma di traha unda na un manera scondi nan ta castiga e pueblo. Esaki sigur ta inhusto y Parlamento lo inicia e proceso pa por corigi otro desaster di AVP cu ta traha contra e personanan honesto y husto. Lo ta bon pa Mike Eman bin dilanti y splica kico tabata pasa den nan mente pa aproba algo asina. Danki na e cambio cu awor tin oportunidad pa drecha tipo di cosnan asina Croes ta termina bisando. Adhunto e votacion di 19 December 2016 momento cu AVP a aproba e ley aki.