Paradera – Diaranson anochi pa mas o menos 8’or, ambulance y polis ta wordo manda na e crusada pariba di rotonde Paradera pa un accidente di trafico.
Prome informacion a papia di un accidente serio, pero danki Dios esaki no tawata e caso.
Na yegada di patruya di trafico nan ta topa cu un Mitsubishi Lancer y un brommer Suzuki.
E motociclista tawata cana rond, y por a nota cu ela haya rasca na pia.
Ambulance mientras tanto tawata na caminda.
Na e sitio nos a compronde cu e Mitsubishi Lancer lo a subi caminda y posiblemente no a mira e brommer.
E hoben ariba e brommer lo a reacciona basta lihe, y ta rasca na e parti dilanti di e auto y despues bay cay mas pariba.
Na yegada di ambulance nan a controla e hoben na e sitio mes.
Trafico a tranca un rato, mirando cu e area caminda e accidente a sosode a wordo cera.
Diaranson merdia tambe un otro motociclista a keda herida, ora un auto a dal su tras.