Manera Gobierno di Aruba a anuncia y anuncionan di diferente medionan di comunicacion na Aruba, luna di september ta un luna unda cu ta constata cu ta haci mas calor.
Gobierno ta preocupa cu e situacion di calor na Aruba e dianan aki especialmente pa nos muchanan na scol y den klasnan cu ainda no tin airco.
Minister di Educacion Armando Lampe a tuma accion y a encarga Inspecteur di Onderwijs pa hunto cu cabesante di scolnan afecta pa calor extremo, cera e scol ora ta necesario.
Ta alerta tur mayor pa tuma nota cu e decision por wordo tuma cu lo cera scol mas tempran pa asina nan busca nan yiunan of regla transporte pa busca nan yiunan for di scol.
Mayornan cu no por bay busca nan yuinan, logicamente no mester preocupa cu nan yiunan lo ta riba caya, pasobra docentenan lo keda scol y lo tira bista riba e muchanan.
Mientras tanto Gobierno di su parti lo acelera e proyectonan di pone airco na tur scol cu falta. No tin e modo financiero pa pone tur parew, pero ta trahando riba un proyecto transparente pa tur scol sa ki tempo nan tambe lo bin na remarke pa airco.