Varios homber indocumenta deteni na Tanki Leendert dialuna atardi

Tanki Leendert – Dialuna atardi pa mas o menos 6:30 p.m, patruya di Noord a para un auto pa control. Den e auto cinco hende homber.

Momento cu a pidi pa nan papel door cu nan no ta hende local, nan no por a mustra e agentenan esaki.
Esaki tawata un idicacion cu nan lo tin un status ilegal ariba e isla.

Agentenan a detene tur y a pidi pa mas patruya, por si acaso algo por bay for di man.
Den algun minuut transportwagen a yega y a transporta tur e hombernan pa warda.

Na e bisti di e hombernan por a mira cu nan lo a caba di traha, un caminda cu tin di haber cu construccion.
Nan lo wordo entrega den man di Guarda Nos Costa.

Ultimamente autoridad ta topa sea pa casualidad of ariba tip, unda personanan indocumenta ta traha of ta frecuenta.