Home » Fraccion MEP: Den cuadro di supervision financiero y rol di Reino a bishita dr. mr. Rycond Santos do Nascimento.

Fraccion MEP: Den cuadro di supervision financiero y rol di Reino a bishita dr. mr. Rycond Santos do Nascimento.

by Admin
0 comment 55 views

 

 

Diabierna atardi Parlamentarionan Edgard Vrolijk LL.B. y Rocco Tjon, MBA a reuni cu dr. mr. Rycond Santos do Nascimento. Motibo di e reunion aki tawata pa debati y intercambia di idea pa loke ta asuntonan di Reino. Specificamente a elabora riba e supervision financiero, con esaki a wordo institui y con esaki lo mester wordo continua.

 

Statuut

Pa loke ta trata Statuut a intercambia idea pa loke ta interpretacion di e diferente articulonan. Entre otro articulo 24 y 25, den cual nos autonomia economico y financiero ta wordo regla y protehi. Dr. mr. Rycond Santos do Nascimento a splica cu ta importante pa analisa e supervision dentro di un contexto huridico pero na mes momento uno politico.

 

CAft

Manera ta conoci pa fraccion di MEP ta di sumo importancia cu e base legal pa e supervision financiero no ta contra nos Statuut y Constitucion. Esaki ta e motibo pakico a entrega un mocion durante e reunion publico ultimo. Fraccion di MEP ta kere den normanan financiero, te ora cu yega un surplus, caminda Aruba su propio “begrotingskamer” lo tuma e rol di CAft over. Normanan adicional cu por mina nos autonomia economico por ehempel no lo por conta cu sosten di fraccion di MEP.

 

Pa conclui

Dr. mr. Rycond Santos do Nascimento a entrega lider di fraccion di MEP, sr. Rocco Tjon,  un exemplaar di su “proefschrift” titula “Het Koninkrijk ontsluierd”. E comision fiho di Parlamento encarga cu asuntonan di Reino a ricibi den pasado presentacionnan di dr. Rycond Santos do Nascimiento, mirando cu e ta experto riba e tereno aki. Fraccion di MEP lo sigui consulta cu dr. mr. Rycond Santos do Nascimento riba e topico aki, mirando e importancia actual. Pa finalisa sr. Tjon a bisa cu locual ta uni un pueblo no ta un color politico of un cierto creencia, pero mas bien e amor pa bo pais.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio