57
Den fin di siman a tuma luga e di XI Costa Rica Taekwondo Open y 4 atleta di e team di Train Hard Fight Smart di Brazil Taekwondo Stichting a participa. Rasheed Lowe a logra medaya di Oro.Brazil Taekwondo Stichting ta enfoca hopi ariba e futuro di e atletanan cu a bira adulto y cu awo lo mester sigui cu tur nan preparacion pa mañan.Sr. Di-Estefano Wernet a wak progreso den e team di Brazil Taekwondo Stichting cu sa trece premio na unda cu nan biaha rond mundo. Director di Lotto pa Deporte Sr. Di-Estefano Wernet ta contento cu e logro di Rasheed Lowe cu a score un biaha mas na Costa Rica. Hakeem Lowe no a logra medaya e biaha aki debi na un lesion na su rudia.E dos rumannan Jourdé y Zahyon Klabér a bringa den e categoria di adulto pa prome biaha y ta bay sigui cu nan preparacion pa e proximo campeonato internacional. Seever Krozendijk di 297Sports tambe a presenta pa entrevista y felicita Rasheed Lowe cu su logro.Sr. Di-Estefano Wernet a keda contento cu e logro y a anticipa cu e ta keda den espera di por tende di e team di Train Hard Fight Smart pronto. E bon nomber di Aruba mester sigui wordo menciona internacionalmente den e mundo di Taekwondo.