Parlamentario Endy Croes a bisa di lo no laga nada pasa y lo reacciona mesora primordialmente si ta trata di mentira y manipulacion.
AVP desde 2009 cu nan a gana eleccion a percura pa manipula henter nos comunidad usando miyones florin di pueblo pa logra nan meta. P’esey nunca mester lubida e 89 miyon florin na mercadeo pa amigonan y 120 miyon florin na deskundig advies pa amigonan abogado. E teamnan aki strategicamente a ranca hunto 209 miyon florin cual ta equivalente na 3.5% di BBO. Pues si AVP a maneha drechi y no a crea e desaster financiero no tabata tin mester di ningun crisis heffing. Lamentablemente locual nan a laga atras ta un Aruba sangrando cu un situacion financiero na werki.
Politica anticua y barata
Benny Sevinger a sali grita den conferencia di prensa di AVP siman pasa cu gobierno a pasa pueblo un medida di Afl. 25 florin pa cu cobramento di sushi. Keto bay ta mira e politica anticua y barata cu Benny kier hunga pasobra su Fraccion a vota “VOOR” pa e mocion ey pa cobra pa piki sushi y cual mocion a pasa 19 na fabor y 0 contra. Net Benny cu no mester papia duro pasobra Benny y su amiga Leoncita a “horta” na un manera violento cometiendo fraude na gran escala cu patrimonio di pueblo pa asina enrikece nan mes. Pasenshi pasobra e bala ta lorando. Kico ta e balor pa Benny papia awe den nomber di ken?
Ladronicia di tereno di pueblo
Bo no a tene bo curason ora bo a firma riba mesun dia e tereno pa Deshaun NV di Leoncita cual actualmente ya a wordo bendi? Bo no a tene bo curason ora bo a firma 42000 m2 pa otro famia di Leoncita riba mesun fecha cu e peticion a drenta? Bo no a tene bo curason ora bo a firma pa yiu muhe di Leoncita apenas ora e tabata tin 19 aña pa traha Luxe appartamenten na Eagle? Tur e terenonan aki ta bendi caba. Pues algun hende a bira miyonario riba lomba di e pueblo aki. Bo no a tene bo curason ora bo a firma atrobe riba mesun dia permitiendo casa di Gaby Werleman bende tereno na Eagle na balor di 3.5 miyon dollar? Pues Benny y AVP ta hopi daño boso a causa e pais aki. Manera Raymond Knops Staatssecretaris di Hulanda a splica cu na aña 2039 esta aki 21 aña lo logra baha e debe cu Benny y Mike a laga atras di 90% na 50% . Tristo pero pueblo por ta sigur cu investigacionnan ta andando y e tiponan cu a comete actonan fraudulento di e taya aki mester paga pa loke nan a orchestra.