Futbolista di 13 aña ta fayece, despues di a dal hopi duro contra e otro hungador, durante un wega di futbol

’s-Heerenberg, Hulanda: Diasabra den oranan di mainta durante un partido di futbol, keeper di 13 aña tabata coriendo y ta dal hopi duro contra un otro hungador, e ta keda seriamente herida. Esaki a sosode riba e veld di e team di futbol di MVR “s Heerenberg, na Gelderland.

E mucha homber a dal cu su cabes contra e otro hungador y a bay mesora for di tino, e hobencito a keda gravemente herida.

Mesora a pidi pa presencia di ambulance. Na e Club tabata tin un un aparato AED, mesora nan a cuminsa traha cu e mucha, pero asina mes ela stop di hala rosea y su hartslag tambe a cay afo.

E futbolista a fayece algun ora despues di su yegada na hospital. Na e club tin un tristeza enorme y tur otro wega di e weekend aki a keda cancela.