London:Polis na London, tabata buscando un homber di 27 aña, kende Diadomingo den dia a comete un crimen hopi horibel y cruel. E homber aki cu problema mental dicidi di a maltrata dos dama cruelmente cu un martieu. E dos damanan ta den hospital y ta bringando pa nan bida. E homber tabata desconoci pa su victimanan.
Joe Xuereb, di 27 aña, ta un persona cu ta sufri di problemanan serio mentalmente, y ela yega asina leu un mama di 64 y su yiu muher di 30 aña cu un martieu na nan cabes y cara.
E victimanan a keda gravemente herida cu hopi golpi serio na cabes. E martiew cu probablemente cu Joe a usa, a wordo haya den cercania di unda e drama a sosode.
E damanan tabata canando den oranan di merdia banda di Adderley Gardens, cu ta keda ne parti zuid oost di e capital di Inglatera, na momento cu Joe a dicidi di maltratanan cruelmente, ambos ta interna den hospital y nan situacion ta hopi critico.
Polis na London mesora a cuminsa cu un buskedanan rigoroso pa e agressor Joe Xuereb, polis a pone su cara publicamente y tabata pidi si acaso un persona mir’e pa no acerca e individuo aki, pero avisa autoridad mesora, paso Xuereb ta un persona hopi peligroso, especialemente ora bo mira den ki estado ela caba di laga su victimanan.
Segun testigonan aparentemente e golpinan ricibi tabata asina fuerte cu un di e damanan mitar di su cara a keda colga y ta teme pa su bida. Ela dal un di e damanan den cara y na cabes, e otro a haya golpi na cabes so y despues cu ela caba di maltratanan ela cana bay full trankilo ta zwaai cu e martieu manera nada a pasa.
Pa mas o menos 7or y mey di anochi, Scotland Yard a duna di conoce, cu Xuereb a keda deteni, esaki a sosode un tiki mas cu 3 kilometer leu di unda ela agredi e dos damanan den oranan di merdia. Xuereb no tabata conoce su victimanan y ni e damanan tabata conoce nan agressor.
Casonan asina por pasa unda cu ta na mundo y sigur tambe na Aruba, loke a pasa aña pasa na Aruba, den cual un agente policial a wordo asesina pa un persona enfermo mentalmente ta un prueba.
Diariamente nos agentenan policial, personal di ambulance, verpleegsternan etc. tambe tin cu deal cu hendenan enfermo mentalmente y tin ora te hasta agresivo, esaki sigur ta pone nan bida tambe den riesgo, No ta tur ta peligroso pero como hende nos no sa.
Nos como cuidadano si nos no mira nada raro na un persona, nos no sa si un persona ta enfermo mentalmente, pero loke a pasa e diadomingo aki na London, mester pone nos pensa cu algo asina por pasa unda cu ta riba mundo, paso tur caminda di mundo tin hende enfermo mentalmente, aki na Aruba tambe tin.