Celsiusstraat, Oranjestad: Diasabra algo prome cu 5’or y mey di atardi, polis, ambulance y brandweer ta wordo manda cu urgencia na un cas den Celsiusstraat pa motibo cu un homber a cay di halto y a keda herida, esaki a sosode na e mesun cas unda Diabierna un cuarto di palo a kima.
Na yegada enberdad nan ta bin topa cu un homber herida y nan ta bin compronde cu nan tabata den e cuarto cu a kima ayera y e homber tabata riba un trapi ta kitando e zimnan cu a kima ayera y pa un motibo of otro a cay for di e trapi. E homber tabata tin varios rasca y un kap na su cachete. Segun un familiar e homber ta un persona delicado di salud, e ta diabetico cronico.
Personal di ambulance hopi liher a prepara e homber mientras personal di brandweer a yuda baha e homber for di halto, mirando cu e cuarto a wordo construi riba un afdak.
Ambulance hopi liher a transporta e homber pa hospital.