Home » Morandi Brug cu a cay na Genua, ta brug ruman di esun di Maracaibo, nan tin e mesun architecto Riccardo Morandi.

Morandi Brug cu a cay na Genua, ta brug ruman di esun di Maracaibo, nan tin e mesun architecto Riccardo Morandi.

by Admin
0 comment 71 views

Genua, Italia: Diamars ultimo un brug cerca di e cudad Genua a cay den otro. E morandi brug ta pasa over di e Riu Polcevera cu ta keda na e parti pabou di e Cuidad Italiano Genua.

Un tragedia cu auto pega bou di restonan di e brug. Hendenan pega den e autonan aki y no por sali, sigur un tragedia horibel.

E brug aki a wordo construi den anjanan 60 y ta forma  parti di e Highway A10, cual ta conecta entre otro e Airport cu ta keda pabou di e cuidad Genua cu e Centro di e Cuidad.

E Brug tabata 90 meter halto y mas o menos 1 Kilometer largo.  Yobida fuerte cu a azota e region aki a contribui cu e brug a cay.
E caminda mes tabata na e altura di 45 meter.

Segun prensa italiano Morandi Brug tabata hopi biaha topico di debate, especialmente e parti di mantencion di e brug pa añanan largo ta exigi hopi.

Segun e Minister Italiano di Transporte Danilo Toninelli, e desaster cu e brug ta consecuencia di falta di mantencion di masha hopi aña mes. Segun e Minister esnan cu ta encarga pa mantene e brug mester wordo poni responsabel. Nan lo mester bay paga pa tur daño causa.

E brug a wordo construi entre 1963 cu 1967, pa e architecto Riccardo Morandi, un burg elegante, Morandi a escoge pa kabelnan di beton y no di staal. Segun e Hoofd van dienst responsabel pa e camindanan a duna di conoce cu e brug tabata wordo constantemente monitoria, mas cu ley ta exigi di nan y no tabata tin niun motibo pa a consider’e peligroso pa trafico. segun su persona  ta inespera e brug a cay den otro.

E Brug cu a cay den otro na Italia ta ruman di e brug di Maracaibo na Venezuela, E brug yama “General Rafael Urdaneta”, ambos a wordo diseña pa Riccardo Morandi. E brug di Maracaibo a wordo construi na 1962 y tin un largura di mas o menos 9 KM, E brug aki tambe a wordo construi pa beton y staal y mescos cu e brug na Genua, esaki tambe tin hopi aña cu no a wordo bon controla, dsegun oficialnan Venezolano lo a duna di conoce den The Times.

Tambe no ta controlando e peso di e trucknan di carga cu diariamente ta pasa riba e brug aki. E ruman brug na Venezuela “General Rafael Urdaneta”, a keda cla 5 aña prome cu su ruman na Genua Italia. E brug di Maracaibo ta conecta Maracaibo cu e resto di Venezuela. Tin 11 aña caba cu nan ta trahando riba un ruta alternativo pa un di dos brug, pero esaki ta pa 17 porciento so cla.

Den e tragedia na Genua a muri 39 persona, entre e fayecidonan tabata tin muchanan di 8, 12, 13 aña. 15 persona a keda herida den cual 9 ta hopi critico, tambe tin mas o menos 10 persona perdi. Na momento cu e brug a cay tabata tin mas o menos 35 auto riba e brug, no ta automobilistanan so a sufri daño pero restonan di e brug a cay riba casnan tambe den un bario unda e brug ta pasa riba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio