ORANJESTAD, ARUBA: Diahuebs 16 di Augustus 2018 ta e ‘Dia di Cuerpo Policial Aruba’. Cuerpo Policial Aruba tin un programa prepara pa su miembronan. Un siman deportivo, social y entertenimento. Tur cos lo sosode den 1 siman cuminsando desde 10 pa 18 augustus 2018.
Pa e Siman di Polis Aruba e aña aki a forma 6 grupo cu lo bai bataya contra otro den diferente eventonan deportivo y social. Lo bai tin diferente deporte cu nos coleganan mester competi contra otro manera bowling, softbal, voetbal, seso sport, domino, biljart y volleybal. Esaki ta pa formalisa e union entre e miembronan di Cuerpo Policial, pero tambe como preparacion pa e ‘Korpsweek’ na Bonaire cu lo tuma lugar den luna di October proximo.
Riba e dia special di 16 augustus 2018. Ta e dia di Cuerpo Policial Aruba riba e fecha aki lo tin un santo sacrificio di misa na iglesia Fatima na Dakota.
Bureau Communicatie Voorlichting en Preventie lo tin e tarea pa informa nos comunidad di cada paso cu tuma lugar durante e siman di celebracion aki. Por sigui tur aconticimento ariba nos rednan social y por follow nos ariba Facebook.com/Korpspolitiearuba
Error: Contact form not found.
Danki na nos comunidad pa e sosten y apoyo duna durante e 32 añanan hunto cu nos comunidad nos ta sigui padilanti. Nos ta bo AMIGO POLIS.