PALM BEACH, ARUBA – July 2018 – Siman pasa diaranzon, 25 di juli 2018, Aruba Marriott a organisa e prome ‘LGBT Culture Day’ den Caribe unda Marriott International su ‘Director of Multicultural Affairs’, Seema Jain, hunto cu local co-presenter Hendrik ‘Endy’ Croes, a duna un presentation special riba con pa comunica efectivamente entre culturanan, cu un enfoque riba e cultura di LGBT (lesbian, gay, bisexual y transgenero).
E evento di ‘LGBT Culture Day’ a tuma lugar na Aruba Marriott su Grand Ballroom y tabata dividi entre dos sesion; un sesion parti mainta pa e grupo di asociado, supervisor y manager di Aruba Marriott, y e sesion di merdia tabata pa Aruba Marriott su clientenan local. E localidad a wordo decora door di The Perfect Team y e bunita centerpieces tabata di Elsa’s Flower Shop.
Aruba Marriott ta sumamente contento di por a organisa e evento aki pa asina promove igualdad, diversidad y inclusion dentro di e comunidad local, como tambe amplifica Marriott su sosten na e comunidad di LGBT y alaves transmiti su compromiso na duna tur bishitante y asociado e comfortabilidad pa ta nan mes, unda cu nan ta biaha of unda cu nan ta traha.
Marriott ta un compania di hospitalidad global cu ta comprometi na pone hende na prome lugar y crea un ambiente amabel di inclusion y di trato husto na tur su huespednan y asociadonan. Esaki ta inclui e comunidad di LGBT, nan famianan y nan aliado nan.
Mas di Aruba Marriott:
Aruba Marriott Resort & Stellaris Casino a habri na aña 1995 cu 411 camber. Na aña 1999 a habri Ocean Club cu 311 camber y na aña 2004 a habri Surfclub cu 900 camber. Na tur, e famia di Marriott Aruba ta consisti di mas o menos 1200 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado