Home Local Fundacion Ambiental ta lamenta destruccion di e piedranan na Shiribana

Fundacion Ambiental ta lamenta destruccion di e piedranan na Shiribana

 

Oranjestad – Aruba

Pa medio di e comunicado aki Fundacion Accion Ambiental ta lamenta y ta condena y desaproba destruccion di piedranan historico cu ta partinan di nos historia y nos patrimonio cultural y geologico nos tesoronan historico di nos pais Aruba.Mas tristo ta na unda supuestamente esnan cu ta jama nan mes experto di DOW cu no por traha ni un MER corda haci un investigacion ta bin na television y bin bisa cu nos no por haci nada paso e tereno ta di tal comerciante etc.Na prome lugar Gobierno y su departamentonan ta prome jama pa protega y defende patrimonio di su pais su pueblo y di dos mester cumpli cu tur e exigencianan di comunidad internacional pa cuido di nos medio ambiente, naturalesa, nos tesoronan historico, cultural y di naturalesa, nos tradicionnan y nos custumbernan.
Actualmente Aruba no tin ley pa proteccion y sanccionnan di nos medio ambiente, naturalesa, areanan historico y cultural.Ainda nos matanan no tin proteccion sin papia di areanan historico.
Fundacion Accion Ambiental ta urgi Gobierno di Aruba y tur departamentonan di gobierno cu tin di haci cu medio ambiente y cuido di nos naturalesa como tambe e partinan cultural y historico hunto cu parlamento di Aruba y tur instancianan huridico pa cuminsa traha ley y sanccionnan y pa esakinan bin na vigor pa Aruba tin su leynan pa stop e destruccionnan ambiental, di naturalesa y di nos balornan historico y cultural mas pronto posibel.
E situacion di destruccion ambiental, di naturalesa y di nos balornan historico y cultural a bira hopi serio y mester di un atencion hopi urgente.

___________
Marcos Bislip
Presidente Fundacion Accion Ambiental