Home Politics Prome Minister Wever Croes: Expansion di horario di tiendanan lo no afecta...

Prome Minister Wever Croes: Expansion di horario di tiendanan lo no afecta ningun trahado

Prome Minister a reacciona ariba e anuncio di departamento di asuntonan economico, relaciona cu expansion cu horarionan di tiendanan.

E anuncio cu ta papia over di horarionan cu tienda ta habri, esta cu lo aumenta y expande esaki.
Segun Prome Minister esaki lo a cay como algo inespera den comunidad, pero tambe ta bisa cu nada lo bay cambia.
Esaki ta conta solamente pa tiendanan.Ta algo cu ta existi pa añas caba pues esaki no ta un excepsion, pues tiendanan ta pidi un extension cada aña. Esta pa nan por keda habri un poco mas largo.
E Prome Minister a enfatisa cu e anuncio lo no cambia nada, y cu ta conta pa tiendanan so cu tin e opurtunidad aki.
Ta remarca cu esaki no ta conta pa dianan di fiesta of otro dianan cu ta relaciona cu religion, manera e tawata den pasado asina elo keda.
Den futuro esaki lo keda mescos, segun Prome Minister.
Ta bon pa cada trahado sa, cu nada ta cambia pa cu su posicion di trabou.
Ta keda na e trahado si e kier keda traha durante cu e tienda ta habri oranan adicional y si e no kier hacie esaki e lo no por wordo obliga.
Posicion di e trahado no lo wordo afecta.
Prome Minister a lamenta cu informacion a cay poco fastioso den comunidad, pero tambe a admiti cu no tawata tin mucho informacion duna.
Esaki no kiermen cu mama y tatanan lo wordo forsa pa traha te mey anochi, absolutamente cu no.
Gobierno no ta bay permiti cu mayornan lo hayanan forsa pa laga nan yiunan pa nan cuenta, pa por traha te mey anochi. E ser humano ta central pa e Gobierno aki.
Unico cos cu a cambia ta e papeleo, cu e companianan mester a haci antes den futuro nan no mester hacie mas.
Mas cu esey nada ta cambia.