Home Local Aruba Bank ta invita studiantenan di EPB y EPI Participa den...

Aruba Bank ta invita studiantenan di EPB y EPI Participa den e “Aruba Bank Student Chef Challenge 2018”

 

 

ORANJESTAD, Aruba – 12 di Juli 2018: Studiantenan prepara pa cushina manera un profesional. E aña aki un biaha mas Aruba Bank lo tene nan “Aruba Bank Student Chef Challenge 2018”. Despues di e exitoso competencia na 2016 y aña pasa, Aruba Bank ta orguyoso cu un biaha mas nan por invita studiantenan di EPB y EPI pa forma parti di e evento unico aki.

 

E reto aki ta pa studiantenan di EPB y EPI, kendenan ta ambiciona pa crea nan carera den e industria hospitalidad y/of negoshi di restaurant. E “Aruba Bank Student Chef Challenge 2018” lo tuma luga dia 6 di September 2018.

 

E aña aki Aruba Bank lo selecciona 6 studiante, kendenan lo traha hunto den team consistiendo di 3 (1 studiante di EPI, 1 studiante di EPB y 1 chef). Interesadonan mester manda un carta pa Aruba Bank motivando e motibo di nan participacion no mas tarda  cu dia 3 di Augustus 2018 na e e-mail studentchefchallenge@arubabank.com. Dia10 di Augustus Aruba Bank lo anuncia e participantenan.

 

Den e carta di motivacion e studiantenan mester inclui un resumen personal, motivacion pakico kier bira chef y e inspiracion pa participa den e “Aruba Bank Student Chef Challenge 2018”.