Home Police Relato oficial di polis, identidad di e victimanan ta conoci

Relato oficial di polis, identidad di e victimanan ta conoci

Relato di vocero di polis, referente e accidente fatal den cual dos persona a perde nan bida.
Awe diahuebs marduga pa 3:23 central ta haya jamada di un accident hopi grave na shaba na altura di Sun Shade Optica.
Na yegada di patrouille ta pidi pa ambulance di biaha mirando e situacion di e dos victima na e luga di e susedido. Loke por a compronde cu e auto nissan sentra blauw biniendo direcion zuid lo mester a crusa na momento cu un brommer hayabusa color blanco ta bayendo direcion noord.
E impacto tabata hopi fuerte na unda cu e chauffeur di auto  a keda den e auto y esun sinta na banda a keda riba caminda hunto cu chauffeur di e brommer.
Ambulance ta jega na e sitio y no por hasi nada pa e dos victimanan cu tabata riba caminda .
A pidi specialista di trafico tambe BFTO, slachtofferhulp y tambe brandweer a presenta pa duna un man .
Dr Texeir a jega na e sitio di e susedido y a constata morto pa 4or di  e victimanan. Ta trata di Wendell A.R. de LEEUW naci 25 december 1995 na Aruba y Dyllon A. LOURENS ( chauffeur di e brommer) naci 1 oktober 1995 na Aruba .
E chauffeur di e nissan ambulance a bay cu ne cu urgencia pa hospital. Te awo su situacion ta critico.
Nos di Cuerpo Policial Aruba ta manda palabra di condolencia na famia di e fayecidonan.