Minister President Evelyn Wever-Croes a wordo invita pa un debate na Nacionnan Uni relaciona cu derecho di mucha, especialmente e bienestar di muchanan den paisnan cu tin conflicto di arma.
E invitacion a wordo haci pa e representa Reino Hulandes, en bista di e retonan cu Aruba su Gobierno y su Minister President tin pa cu bienestar di nos muchanan na Aruba, e experiencia y e plannan cu Aruba tin.
E debate ta tuma luga dialuna mainta bou e titulo “Children and Armed Conflict”, den cual Minister President lo dirigi palabra.
Durante su biahe cortico na New York Prome Minister Evelyn Wever-Croes lo reuni tambe cu Unicef pa urgi Unicef yuda Gobierno den e Crisis Plan Social. E fondonan ta wordo poni disponible pa Hulanda, y ohala logra convence Unicef pa yuda den e Crisis Plan Social.