85
Seaport – Diasabra merdia 2:30, polis di trafico a bay pa un boksmento ariba parkeer plaats di Renaissance Ocean Suites.
Na yegada di e agente, e ta compronde cu un di e vehiculonan no tin su papelnan na ordo.
E auto cu a ocasiona e boksmento, su plachi number no tawata cuadra tampoco cu e auto.
E plachi number tawata full paga, pero ta pertenece na un otro auto.
Tawata trata di un Chevrolet Aveo shinishi. Na stuur un turista studiante cu ta na Aruba pa algun curso.
Pero, e studiante no tin rijbewijs. E persona aki lo a dal un auto nobo nobo, y sigui bay manera nada no a pasa.
E Chevrolet Aveo ta pertenece na un compania, cu tin un Botique Hotel.
Despues di basta deliberacion, a bin haya un luga pa kita e Chevrolet Aveo for di caminda pa e no sigui core rond dal otro auto.
Takelwagen a presenta y a hiba e vehiculo warda di polis.