122
Sero Colorado: Diabierna pa mas o menos 10’or y mey di mainta, personal di Polis Maritimo a bin topa cu personal di Directie Natuur en Milieu na altura di e pier di Rodgers Beach, cu cual conhuntamente un investigacion mester a wordo hasi.
Cu e boto di Polis maritimo BP-2, e personal a bay pa midi na diferente lugar e coriente di lama y e cantidad di oxígeno bou awa.
Pa mas o menos 12’or y mey e personal a bay na altura di Reef Bird na unda e melding a drenta cu a topa cu diferente casca di tortuga. Ora nan a yega ariba e rif enberdad nan a bin encontra 4 casca di tortuga y tambe cabesnan di tortuga.
E tortuganan aki ta protegi y lastimamente a bin encontra e restonan aki. E restonan di tortuga a wordo tuma den beslag door di personal Directie Natuur en Milieu. E tortuganan aki ta un especie cu ta protegi pa e tratado internacional di CITES y alaves pa articulo 6 inciso 1 Natuur beschermingverordening Aruba.
Mester recorda cu ta castigabel pa ley pa mata e especie protegi nan aki y cu tin multanan pisa pa cu esaki.