Home » Dos homber por poco ta perde nan bida despues di a sali na defensa di un dama

Dos homber por poco ta perde nan bida despues di a sali na defensa di un dama

by Admin
0 comment 81 views

Noord: Diadomingo algo pasa di 4’or di marduga, presencia di polis ta wordo pidi cu urgencia na Eerste Hulp na Dr. Horacio Oduber Hospital, pa motibo cu na Eerste Hulp a presenta dos cabayero y ambos tabata tin varios hinka na curpa, un tabata seriamente herida cu un hinka den su pecho, cerca di su curason. Hopi liher varios unidad di polis ta presenta na hospital.

Na yegada e polisnan ta papia cu e victimanan, ambos ta Colombiano biba hopi tempo na Aruba. Nan a splica polis cu  problema a cuminsa un poco pabou di Lekker Bar Restaurant, na momento cu nan a mira dos mucha homber local hoben, cual un di nan tabata maltratando un mucha muher, e tabata chokando e mucha muher. E dos hombernan aki mesora a sali bay pa defende e dama y esaki no a cay den bon tera cerca e dos hobennan local.

E dos hobennan local aparentemente lo a kibra botternan di cerbes y lo a hinka e dos hombernan aki varios biaha. Un auto particular cu hopi urgencia a hibanan Hospital.

Despues cu polis a tuma nan declaracion, a bay na e sitio unda e hinkamento a tuma lugar y a cuminsa cu e investigacionnan necesario.  Tambe Departamento Tecnico di polis a presenta pa haci mas investigacion. E caso ta den man di autoridad.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio