PROME MINISTER TA FELICITA ROCHENDRICK BOEKHOUDT
Den final di aña escolar 2017-2018, varios studiantenan a acerca Prome Minister Evelyn Wever-Croes buscando cooperacion di e Premier cu nan spreekbeurt. Pa e mandatario principal di nos pais, esaki tawata un honor pa ricibi e hobennan y brinda nan un espacio pa conbersa cu nan y yuda nan completa nan trabou di scol. Ta hopi pregunta mes e hobennan a haci na Prome Minister y cada un a wordo contesta debidamente.
Mas ainda, ta yena nos Prome Minister cu alegria ora cu e hoben studiantenan aki manda e bon noticia p’e cu nan a haci nan spreekbeurt cu exito. Esaki tawata e caso di Rochendrick Boekhoudt, un hoben studiante di Colegio Sagrado Curason kende a haya e bunita punto di un dies (10) pa su spreekbeurt.
Pa Gobierno di Aruba y Prome Minister Evelyn Wever-Croes, nos muchanan tin prioridad y Gobierno di Aruba ta inverti den nan estudio y coopera cu nan trabounan di scol haciendo asina Gobierno ta invertiendo den nos futuro generacion.
Pabien Rochendrick. Exito pa e aña escolar nobo.