Den ultimo dianan esfuersonan ta wordo haci pa habri e frontera bek entre Venezuela y Aruba. Esaki despues cu Venezuela a cera e frontera unilateralmente na januari acusando Aruba di ta complice na contrabanda. A base di esaki a sigui algun negosacion y Minister di Asuntonan Exterior di Hulanda Stef Blok a firma un convenio cu lo habri frontera bou e condicion cu autoridad na Aruba y Corsou haci palabracionnan estricto cu autoridad na Venuela riba cua producto, boto y documento lo wordo permiti.
Corsou no a tene su mes na e palabracion y a permiti importacion di fruta y berdura algun siman atras. Na Aruba autoridadnan ta purbando di yega na e palabracion cu autoridad di Venezuela prome cu habri e waf. Esaki ta pa evita cu awor si tin trafico di producto ilegal, contrabanda y persona ilegal. Mirando e situacion tenso na Venezuela nos mester ta mas cauteloso cu nunca cu siguridad na nos wafnan.
Sinembargo Gobierno ta haciendo su maximo esfuerso pa yega na apertura di e waf en todo caso pa fruta, berdura y pisca. P’esey a manda un delegacion di Aruba Venezuela pa negocia. E comison ta consisti di hefenan di departamento di Aruba. Den curso di otro siman por duna mas informacion si ta logra habri e frontera y bou di ki condicion”, Prome Minister ta duna di conoce.