Santa Helenastraat – Diahuebs pa mas o menos 6:55pm, polis y ambulance a bay Santa Helenastraat. Pa un accidente cu hende herida.
Na yegada di polis, nan a constata cu ta trata di un accidente entre brommer cu auto.
E motociclista, tawata ariba caminda dilanti e Nissan Sentra.
E brommer, un Scrambler a keda pega bou di e auto patras.
Loke a pasa
Chauffeur di e Nissan Sentra a pone su señal pa bay e luga di loteria.
E motociclista lo tawata haciendo maniobra cu brommer, aparentemente ariba un wiel.
E lo no a pone atencion of mira cu e Nissan a bay pa bira na su man robes, y ta dal patras di e auto.
Na yegada di ambulance, e personal a prepare pa transporte pa hospitaal.
E motociclista tawata emociona, momento cu personal di ambulance tawata prepara pa hibe hospitaal.