Home » Tres sospechoso deteni na un cas na Monserat, dos di e sospechosonan tabata wordo busca pa husticia

Tres sospechoso deteni na un cas na Monserat, dos di e sospechosonan tabata wordo busca pa husticia

by Admin
0 comment 144 views

Monserat, Noord: Diahuebs, algo pasa di 1’or di merdia, un unidad di K9 tabata pasando den e area di Monserat y a mira dos sospechoso cu tabata wordo busca pa husticia, nan tabata wordo buska pa un caso di maltrato (openbaar geweldpleging). Net na momento cu e agente di K9 a bay pa papia cunan, e dos sospechosonan aki, un homber y un muher a core drenta un cas na Monserat.

Mesora e agente a pidi pa refuerso y alabes pa un bevel pa nan por drenta e cas y detene e dos sospechosonan aki. Varios unidad di polis y team di recherche a presenta na e cas y asina a logra drenta y detene e dos sospechosonan. Na momento cu polis a bay pa detene e dos sospechosonan aki, e padrastro di un di nan a cuminsa stroba polis di haci su trabou, mesora e polisnan a detene e padrastro tambe y a solicita pa e transportwagen di polis.

Tur 3 sospechoso a wordo transporta pa warda di polis pa mas investigacion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio