Home » Kiwanis K Club di International School of Aruba cu gradicimento special na RIU Hotels & Resorts Participantenan a termina caminata y coremento tur na color

Kiwanis K Club di International School of Aruba cu gradicimento special na RIU Hotels & Resorts Participantenan a termina caminata y coremento tur na color

by Admin
0 comment 78 views

ORANJESTAD, Aruba – Diadomingo a tuma luga e Fun Walk/Run organisa dor di studiantenan di Kiwanis K Club di International School of Aruba (ISA). Cu e actividad aki a recauda fondo pa organisacion di Ambiente Feliz. A conta cu 25 boluntario y mas di 200 persona a participa, pa cual 5 studiante a busca sponsor, asina Juffrouw Theresa Montenarelo a expresa. ISA ta gradici RIU Hotels & Resorts y tur otro patrocinado pa yuda organisa e actividad di 5KM cu a cuminsa y termina na Fisherman’s Hut.

Kiwanis K Club di International School of Aruba a desea di organisa e actividad aki atrobe, pasobra nan a organisa labamento di auto y dia di famia. E actividad aki a resulta mas leuk pasobra tabata un actividad pa comunidad unda tur hende a relaha, pasa agradabel y e muchanan chikito a disfruta hunga cu e “colour powder”.

E atardi a cuminsa cu un warmup di zumba, pa prepara e participantenan p’e careda. Tur cu a participa den e zumba a pasa un momento agradabel, bailando y stretch nan musculo. Mayor y muchanan tabata hopi entusiasma y cla pa core of cana.

E atardi aki tabatin 4 diferente grupo, di cual tabatin e grupo di famia cu tabata consisti di mayornan, kendenan a bin pasa un atardi activo cu nan yiu(nan). Tambe tabatin e grupo di canadonan, e grupo di joggers y por ultimo tabatin e grupo di coredonan.

Tabatin dos stacion di coloring, di cual uno tabata situa na 1.25 KM leu di Fisherman’s Hut y e otro tabata na Boca Catalina. Boluntarionan tabata basha color powder riba e participantenan, unda na final di e actividad tur hende tabata colorido.

Polis a dirigi e actividad, garantisando siguridad di e participantenan riba caminda y tambe e team di Rode Kruis tabata presente pa cualkier caso di emergencia. Tur esaki a conduci na un actividad masha exitoso, organisa pa International School of Aruba.

RIU Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 25 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio