Home » E di 14 Aruba Walk & Run 2018 ta cuminsa dialuna

E di 14 Aruba Walk & Run 2018 ta cuminsa dialuna

by Admin
0 comment 104 views

Aruba Bank y Subway ta pone Aruba ariba pia

ORANJESTAD: Aruba Bank y su partner Subway ta anuncia e di  diescuatro (14) edicion di  e Aruba Bank Walk & Run 2018 cu lo cuminsa dialuna 28 di Mei, sigui pa diamars, diaranson y diahuebs. E caminata lo cuminsa pa 6:30 PM exacto. Pa e ruta completo por download e Aruba Bank App of bishita e website www.arubabank.com.

Aruba Bank ta recorda participantenan pa ta na ora durante e cuatro (4) dianan aki pa no perde e salida. Durante e actividadnan aki ta importante pa tur participante bisti kedsnan confortabel, pero tambe pa keda hidrata y corda trece bo boter di awa. E evento ta plastic free, Aruba Bank no lo parti containers di plastic. Lo tin awa/ gatorade na comienso y final y tambe lo tin waterpost. Corda di come y drumi bon pa asina tur hende ta fit p’e cuatro (4) dianan di Aruba Bank Walk & Run.

Nos ta boga pa sigui e reglanan di e boluntarionan, kendenan ta IBiSA, KPA, Harley Motor Unit y Crus Cora. Lo bay tin na comienso y final un “helpdesk”, unda representantenan di Aruba Bank lo ta feliz di ricibi comentarionan y yuda asisti participante. Pa cualkier pregunta por manda tambe un e-mail na [email protected].

Download e Walk & Run App pa ricibi resultadonan LIVE. Tambe haciendo uzo di e App, bo por sigui bo participante preferi. Tambe tin playlists nobo ariba e App pa bo enjoy durante ehercicio y e eventonan. Tambe e App tin e posibilidad pa saca bo Selfie ariba cada 4 dia di e evento.

Riba e dianan aki lo por tin hopi trafico y un idea lo ta bon pa haci “carpooling” pa asina no pega den trafico. E dianan aki lo ta importante pa automobilistanan tene na cuenta, pero tambe pa tuma nota riba e rutanan cu ta menciona riba e website www.arubabank.com y Aruba Bank App. Pa mas informacion sigui Aruba Bank riba su Facebook page y download e Aruba Bank Walk & Run App. Aruba Bank su Walk & Run 2018 poniendo Aruba ariba pia!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio