Home » Prome Minister Evelyn Wever-Croes: “AWO ARUBA TAMBE POR CONTA CU UN ‘VEILIGHEIDSHUIS”

Prome Minister Evelyn Wever-Croes: “AWO ARUBA TAMBE POR CONTA CU UN ‘VEILIGHEIDSHUIS”

by Admin
0 comment 74 views

ORANJESTAD– Un “Veiligheidshuis” no ta un cas sino un sistema innova di traha den cua ta pone e siguridad di cada ciudadano na prome luga. Ta trata aki di un sistema di cooperacion entre tur departamento cu ta envolvi cu asuntonan hudicial y social pa atende cu casonan di personanan cu haya nan den contacto cu husticia. Prome Minister Evelyn Wever-Croes ta bisa cu e meta prinicipal ta pa crea un Aruba mas sigur y pa duna e personanan un otro oportunidad.

Na e momento cu tin un caso cu problema social, Departamento di Asuntonan Social, Reclassering, Polis, Voogdijraad, With Gele Kruis, y otronan ta sinta hunto pa trata cada caso individual y hunto traha un plan con pa yuda pa un persona sali for di su problema y pa evita cu e ta bolbe cay den e problema. Cu esaki, Gobierno di Aruba ta cumpli cu e meta principal di pone e ser humano central y percura cu cada ciudadano ta sigur den nos comunidad.

ESPECIALMENTE PA NOS MUCHANAN:
Despues di e morto di e dos angelitonan na november 2018, tur hende na Aruba ta convenci cu no solamente nos tin un problema social sino un explosion social.

E unico forma pa nos garantisa e siguridad di nos muchanan y garantisa cu ningun mucha mas ta core peliger manera e dos angelitonan ta door di traha uni cu tur departamento. Di e manera aki por detecta problemanan tempran y por tuma accion pa evita cu mas victima ta cay.

“Mi ta hopi orguyoso cu Gabinete Wever-Croes por pone e prome paso den e direccion di un Aruba mas sigur pa brinda siguridad na tur ciudadano especialmente na nos muchanan cumpliendo asina cu nos mision pa pone e ser humano central”, Prome Minister a expresa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio