Home » Tropical Bottling Co. a celebra 65 aña di servicio di 3 empleado

Tropical Bottling Co. a celebra 65 aña di servicio di 3 empleado

by Admin
0 comment 87 views

ORANJESTAD, Aruba – E famia di Tropical Bottling Company a yega hunto na Balashi Beer Garden pa celebra aniversario di trabou di tres (3) empleado. A celebra 20 aña di servicio di Wilmer Figuera y Jacob Elicier Carranza, mientras a celebra 25 aña di Fernando Somaza.

Durante e ceremonia protocolar, Philipp Weigand, Director Tecnico na e planta di Balashi, a gradici Wilmer Figuera y Jacob Elicier Carranza cu nan añanan di servicio. El a expresa cu Wilmer Figuera y Jacob Elicier Carranza semper ta empleadonan ehemplar cu semper ta cumpli cu nan trabou.

Philip Weigand a expresa cu Fernando Somaza ta un empleado cu ta cuida e mashinnan y semper e ta un persona cu hopi bon humor. Edmar Geerman, supervisor di produccion, a expresa di ta contento di traha cu Fernando Somaza, cu a bin for di Victoria Bottling y a expresa con bon e ta traha. E ta un persona cu por depende riba dje y e ta cla pa yuda ken mester di dje.

Finalmente Giovanni Bermudez, Gerente General di Brouwerij Nacional Balashi y Tropical Bottling Co., a felicita tur tres empleado pa nan añanan di servicio, pa nan dedicacion y lealtad na e empresa. Tambe el a gradici famianan di e empleadonan, en especial casa y yiunan pa nan pasenshi y cooperacion, pa motibo cu e empleadonan aki ta pasa mas ora na trabou cu na cas. El’a termina pidiendo un aplauso di parti tur esnan presente, felicitando e empleadonan un biaha mas cu nan aniversario.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio