Home » Parke Nacional Arikok: Di un Junior Ranger pa un Park Ranger

Parke Nacional Arikok: Di un Junior Ranger pa un Park Ranger

by Admin
0 comment 84 views

ORANJESTAD – Pa algun aña caba Parke Nacional Arikok ta organisando e Junior Ranger Camp cu un enfoke ariba e educacion di nos muchanan encuanto e importancia di nos flora, fauna, historia y balor cultural di nos isla Aruba.

Tur nos Junior Rangersnan tin un pasion pa naturalesa y kier proteha esaki. Stanson Tromp tawata un di nos prome graduado como Junior Ranger na 2012. Den su propio palabranan “E junior ranger camp tawata un experienca fantastico cu mi nunca lo lubida”.

Ranger Stanson ta añadi cu e program tawata cuminsa mainta trempan cu un caminata largo den parke, nan tawata haya diferente presentacion encuanto reptile, historia basico di parke y mucho mas. E conosemento cu mi a ricibi durante e experienca como Junior Ranger ta sirbi actual como e fundeshi di loke mi sa awe y loke mi ta duna como informacion na nos bishitantenan como Park Ranger na Arikok. Ranger Stanson a join e team di Parke Nacional na aña 2015 despues cu el a fungi como un voluntario despues cu el a gradua di Junior Ranger Camp.

E cambio di Junior Ranger pa Park Ranger tawata fantastico y spantoso, segun Ranger Stanson. E echo cu mi mester a lanta super trempan tur dia y traha cu coleganan double di mi edad a ponemi adapta tur dia, siñado mas di responsabilidad, autoridad, y conosemento general. Te cu awe ainda mi ta siñado.

E Junior Ranger Camp ta un manera practico unda e muchanan ta explora y siña mas tocante e conservacion di nos naturalesa. E proximo Junior Ranger Camp lo tuma lugar durante e prome siman di October 2018. Pa mas informacion encuanto nos Junior Ranger Camp por tuma contact cu nos na [email protected] of manda nos un mensahe riba nos pagina di Facebook: ArikokNationalPark.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio