Home » Update: Caso di personanan cu a subi tera ilegalmente, un di e personanan aki a wordo haya cu handgranaat

Update: Caso di personanan cu a subi tera ilegalmente, un di e personanan aki a wordo haya cu handgranaat

by Admin
0 comment 114 views

Alto Vista: Diamars marduga polisnan a bay na e boca Pos di Noord caminda nan a logra detene 4 persona riba e cero dilanti di e boca.

Un rato despues Polis Maritimo ta logra intercepta e lancha y ta detene e 4 personanan cu tabata abordo.

Mas den oranan di mainta polis a haya varios saco indicando cu enberdad mas o menos 20 persona lo por a subi tera den e area di Alto Vista.

Algo prome cu 12’or di merdia un biaha mas ta drenta un informacion cu riba e caminda di santo dilanti di e Veld di Nacional bin abou tin 3 persona aparencia latino canando. Ora polis a mira nan, nan a core drenta un cas di palo geel den e becindario.

Despues cu e doño a duna Comisario di Polis Sra. Trudy Hassel permiso pa polis por drenta y busca den e cas, nan a bin topa cu un di e ilegalnan aki y a detene.

Despues polis a sigui busca den e mondinan na Alto Vista, caminda un biaha mas nan ta topa cu un otro persona cu a drenta nos isla ilegalmente awemarduga, na prome instante ela resisti fuertemente pero despues cu polis a los un tiro di advertencia, nan a logra domine y detene. E persona aki tabata tin 4 handgranaat den su poder. Autoridadnan cu conocemento di explosivo a wordo poni na altura.

Asina por mira con facil pa drenta cu arma y explosivo na Aruba, sin conta cuanto a drenta di e forma aki caba y sin cu a wordo intercepta pa autoridad. Ainda tin 10 persona cu a drenta awemarduga cu no a wordo localisa pa autoridad. Kiko mas nan por tin den nan poder cu por ta ilegal na Aruba y unda nan ta scondi ainda no ta conoci?

E personanan cu a drenta Aruba ilegalement, sigur por consideranan personanan hopi peligroso, mirando cu a haya un di nan cu handgranaat. Habitantenan di Alto Vista y becindario sigur no mester yudanan y si mira cualke persona straño riba caya mester avisa autoridad mesora, no ta descarta e posibilidad cu ainda por tin mas scondi den mondi eybanda y cu nan lo por tin arma of explosivo den nan poder.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio