Home » Accion proyecto international “Libertad” di Interpol

Accion proyecto international “Libertad” di Interpol

by Admin
0 comment 125 views

En connection cu e noticia di INTERPOL di awemainta tocante e accionnan den region di Caribe cu a tuma lugar den e periode di 3 te cu 6 april 2018, e Taskforce contra Traficacion y Contrabanda di Hende di Aruba ta conrrima cu nan a participa den e accionan menciona bow di capa di e proyecto internacional “LIBERTAD” di Interpol. E accion aki tawata pa encontra y rescata posibel victimanan di traficacion y contrabanda di hende den region di Caribe y Latino America. For di september 2016 e Taskforce bao guia di e Coordinadora Nacional, sra. Jeannette Richardson-Baars, hunto cu sr. Max Wernet di e Centro di Coordinacion, a coopera cu Interpol dor di duna training na otro paisnan den Caribe y Latino America y asisti na e preparashonan pa e accionan bao di guia general di INTERPOL. For di fin di anja 2017 e preparashonan pa e accionnan na Aruba a cuminsa huntu cu Ministerio Publico, KPA, Coastguard Aruba, Interpol Aruba y Directie Arbeid en Onderzoek.
E accionan a tuma lugar di 3 te 6 di april 2018 y restaurants, joyerias, aera di construction, hotel y companianan di watersport a wordo controla. Tambe tawatin un 100% checkeo na laman pa yegada di botonan cu personanan illegal na nos costa. Durante e accionan un total di 22 persona a wordo encontra den un situacion unda nan tawata hopi dependiente di nan donjo di trabow. Algun di di nan a resulta den explotacion laboral na unda posibel crimen penal a wordo cometi. E casonan aki ta bao investigacion di Cuerpo Policial y Ministerio Publico. Otro casonan lo conduci na boet pa e donjo nan di trabow cu tawatin personanan illegal trahando pa nan. E personanan illegal a wordo manda bek nan pais.
E cooperashon entre tur e 10 departamento nan concerni (KPA, DAO, DIMAS, Interpol, Coast Guard, Koninklijke Marine, Koninklijke Marechaussee, Directie Volksgezondheid, Slachtofferhulp y Departamento di Impuesto) tawata un exito rotundo. A wordo dicidi pa mas frequente accionnan asina riba tereno di traficacion y contrabanda di hende lo bay tuma lugar na Aruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio