Home Politics Minister President Evelyn Wever-Croes: PROME MINISTER A HABRI E PROME CONGRESO DI...

Minister President Evelyn Wever-Croes: PROME MINISTER A HABRI E PROME CONGRESO DI DOKTERNAN DI ARUBA

SHARE

Diabierna tardi a toca e honor na Prome Minister Evelyn Wever-Croes di habri e prome congreso di dokternan na Aruba. Salubridad ta hopi importante pa Gabinete Wever-Croes, y den esaki dokternan ta hunga un papel crucial y p’esey congresonan asina ta importante

 

Prome Minister a habri su discurso contando su storia di tempo cu el a bay studia medicina na Costa Rica bisando cu no solamente e estudio ta duro sino mester tin un pasion y yamada pa studia medicina. Sinembargo circumstancianan a haci cu el a regresa Aruba y cambia di carera, un carera cu tempo a conduci cu awe e ta Prome Minister di nos pais.

 

Den su discurso, Prome Minister a expresa cu pa Gabinete Wever-Croes, cuido di salud tin un prioridad hopi halto den programa di gobernacion. Gobierno su vision ta pa brinda un bon calidad di cuido y hiba esaki mas cerca di e pashent, corta e tempo di espera y drecha e procedura pa haya cita medico. Gobierno ta enfoca mas riba prevencion cu un plan nacional di prevencion. Vision di Gobierno ta pa modernisa y drecha cuido, innovacion lo dirigi na drecha y baha costo di cuido drasticamente.  

 

E prome mandatario a enfatisa cu tambe ta importante pa Gobierno di Aruba pa drecha cuido pa nos mediconan y specialistanan. Lo duna nan sosten pa asina tur medico sinti cu nan ta imporante y ta wordo inclui den cuido medico mescos cu e pashent. Prome Minister a encurasha e mediconan bisando cu nan tin e don di ta e conexion entre e pashent y un milager.

 

E mandatario a termina su discurso consehando e mediconan pa nan semper keda comprometi cu e cuido di e pashent y laga e costo di e cuido di pashent na politiconan.