Home Politics Marisol Lopez-Tromp Un placer di por a sinta cu dos dama cu...

Marisol Lopez-Tromp Un placer di por a sinta cu dos dama cu ta na cabes di Parlamento na Hulanda

SHARE

Den fin di siman lidernan di fraccion di Parlamento conhutamente cu Presidente di Parlamento a reuni cu  presidentenan di Eerste y Tweede Kamer di Hulanda.  Ta trata aki di Sra. Ankie Broekers-Knol y Sra. Khadija Arib respectivamente cu tabata  presente na nos isla pa bishita di trabou.

Lider di fraccion di POR, Marisol Lopez-Tromp a indica cu tabata un placer pa por a sinta hunto cu e dos damanan aki cu ta na cabes di Parlamento na Hulanda.

El a bisa cu despues di e reunionnan interparlamentario di IPKO, tabatin e encuentro unda nan a invita Presidente di Parlamento di Aruba y e lidernan di fraccion den Staten.

E Presidentenan di Eerste y Tweede Kamer a subraya cu nan ta haya importante pa conoce Aruba y demas islanan cu ta forma parti di Reino Hulandes. A papia riba algun situacion cu lo mester di mas atencion y tambe di leynan y temanan cu tin consecuencia pa henter Reino Hulandes.  Tur esaki den cuadro pa tin un mihor relacion y comunicacion cu otro entre Parlamentonan y riba topiconan di interes comun.