Siman pasa tabata na Aruba Secretario di Estado pa Relacionnan di Reino Sr. Raymond Knops. El a bishita Parlamento di Aruba pa cera conoci y reuni cu e 3 lidernan di fraccion.
Di parti di fraccion di POR tabata presente Marisol Lopez Tromp, kende recientemente a forma parti tambe di e delegacion di Aruba den e Interparlamentair Koninkrijskrelaties Overleg (IPKO), caminda a enfatisa cu e cooperacion den Reino Hulandes riba diferente tema ta keda un punto central.
Marisol Lopez-Tromp, lider di fraccion di POR den Parlamento a indica cu e reunion tabata uno cu a tuma lugar den un ambiente habri y positivo y tabata sumamente fructifero. Durante e encuentro a intercambia di informacion y opinion riba diferente tema manera nos finansas publico, e relacionnan den Reino Hulandes y mas.