Home » A logra cende un luz pa cu Weganan di Reino durante reunionnan di IPKO momento cu tur partner tabata na Aruba

A logra cende un luz pa cu Weganan di Reino durante reunionnan di IPKO momento cu tur partner tabata na Aruba

by Admin
0 comment 72 views

Parlamentario Endy Croes a divulga durante rueda di Prensa:

Durante e siman di 9 pa 12 di januari tabata tin e reunion di IPKO, esta e Interparlamentair Koninksrijksoverleg unda parlamentarionan di Hulanda tanto di Eerste y Tweede Kamer, Corsou, St. Maarten y Aruba a reuni riba diferente punto di interes comun. Segun Endy Croes, el a atende esaki como ‘toehoorder’ y pues no na mesa di debate. Importante di e seccion aki ta cu e ta  brinda bo diferente momento pa cera conoci cu tur parlamentario y como cu ‘Deporte’ ta algo cu ta core den su venanan e no kier a laga e oportunidad aki pasa saliendo man bashi. Como presidente di e vaste commissie den Staten di Deporte y Cultura, alabes haciendo uso di su experiencia, el a percura pa lobby cerca diferente parlamentario cu ta sostene e gabinete actual di Hulanda, Corsou y St.  Maarten y a logra un ‘mondelinge afspraak’ pa cu regreso di Weganan di Reino na 2019. Pa Hulanda entre otro parlamentarionan Antjie Diertens y Alexander Pechtold di D66 y Attjie Kuiken di PvdA ta sostene e idea aki den su totalidad mientras Presidente di Staten di Corsou Sr. William Millerson (ex presidente di Comite Olimpico Corsou prome cu 10-10-10) y Sr. Richardson di St. Maarten ta completamente di acuerdo pa bini bek cu Weganan di Reino. Parlamentarionan Hulandes lo sinta cu entre otro minister di Deporte di Hulanda Hugo de Jonge na nan regreso mientras demas parlamentarionan di otro islanan a keda di feed back cu nan respectivo Minister di Deporte. Endy Croes a splica cu e lo sinta cu Minister Dangui Oduber pa busca un ‘blessing’ y a keda palabra cu promer cu medio februari 2018 lo inicia seccion di emails entre parlamentarionan pa cu e ‘feelings’ di cada Minister di Deporte di nan respectivo pais. Una bes pasa e ronda aki lo mester bay na e di dos nivel cu ta forma un ‘Stuurgroep’ cu lo haya e tarea specifico pa bin cu un plan y draaiboek total, por ehempel cuanto deporte, cual deportenan, gastonan envolvi etc etc. Fraccion di MEP y Coalicion ta para 100% tras di e idea noble aki.  Mester bisa, aunke esaki ta na un fase inicial, cu e idea a cay den masha bon tera cu un entusiasmo hopi grandi cerca tur e parlamentarionan. Aruba a solicita mesora pa ta CEDE di e prome Weganan di Reino pa cu aña 2019, dado caso tur cos cana conforme plan y nos logra e soño aki.  Segun tin desaroyo lo sigui informa pueblo. Riba e foto por aprecia Endy Croes, Antjie Diertens (Parlamentario Tweede Kamer Hulanda)  y William Millerson (Presidente di Staten di Corsou) simbolicamente a cera un acuerdo mutuo. Waar een wil is is een weg!!!

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio