ORANJESTAD, Aruba – Stichting voor Verstandelijk Gehandicapten Aruba (SVGA) a tene un caminata, cual tabatin un meta na esaki. E caminata aki tabata uno simbolico y na mes momento esaki tabata un actividad cu SVGA kier a tabata tin den mente pa organisa basta tempo.
SVGA a acerca MetaCorp pa uni cu SVGA pa copera den forma di un donation pa asina yuda na organisa e caminata aki.
CEO di MetaCorp, Eddie de Veer a expresa cu amor MetaCorp a yuda e fundacion pa asina nan por a organisa e caminata aki. Pa prome biaha MetaCorp a contribui cu e fundacion di SVGA na e caminata aki. “E ta un sosten cu semper nos ta buscando pa sigui aumenta na e grupo special aki”, el a expresa.
Mayoria di biaha ta ignora e grupo aki den comunidad, pero den cu añanan nan ta hayando mas atencion. Pa esaki MetaCorp kier pone e luz riba nan, asina Eddie de Veer a expresa. Riba dia di e caminata e staff di e diferente instancianan cu ta cai bou di SVGA a ricibi un T-shirt for di MetaCorp como donation, tambe ofrece fruta na e participantenan y staff, por a mira tambe e toters nan di EcoTech riba e ruta teniendo na cuenta nos medio ambiente, pa semper ta limpi.
Tocante MetaCorp
MetaCorp ta existi desde aña 1920 caba den negoshi di cine. Cu apertura di Lago a cuminsa cu E. De Veer Transport cu awendia yama ATCO cu despues a expande tambe den ATCO Concrete Products y Ecotech. Despues di segunda guera mundial a cumpra e planta di Coca Cola y asina a inicia Tropical Bottling, cu na caminda a expande tambe den Brouwerij Nacional Balashi.
MetaCorp ta e empresa comercial mas bieu na Aruba y pronto ta cumpli 100 aña. Cu un fundeshi solido, cu un cultura di compania basa riba principionan di inversionnan duradero y kere den empleadonan, MetaCorp awendia ta cla pa e siguiente 100 añanan di progreso, cu talentonan manera Eddie de Veer, Robert Carrasquero y Guus Slabbekoorn na cabes di e compania.