Home Local Sando Geerman y Jayson Banfield a celebra 10 aña di servicio

Sando Geerman y Jayson Banfield a celebra 10 aña di servicio

SHARE

Post Aruba N.V. a celebra añanan di servicio di 2 empleado. Sando Geerman y Jayson Banfield a cumpli 10 aña di servicio na Post Aruba N.V. y a celebra esaki hunto cu coleganan y famia.

Sando Geerman a cuminsa cu carera na Post Aruba N.V. dia 1 di November 2007 y e ta un besteller. E ta un persona cu tin hopi potencial pa sigui crece den su trabou. Empleadonan di Post Aruba N.V. a expresa cu Sando Geerman ta un persona cu ta traha bon y ta respetuoso tanto cu nan y clientenan.

Dia 5 di November 2007 Jayson Banfield a cuminsa traha como un besteller y na 2015 el a bira chauffeur di special services. E ta un empleado cu ta traha duro y hopi bon. Tambe e tin bon manera, semper e ta cuminda tur hende. Coleganan a expresa cu e ta trece alegria den Post Aruba N.V., unda Jayson Banfield tur dia ta pone hopi hende smile. Cliente ta duna hopi bon comentario di dje.

Post Aruba N.V. ta gradici Sando Geerman y Jayson Banfield pa nan 10 aña di servicio cu Post Aruba N.V. y ta desea nan hopi exito den futuro.

Pa mas informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba N.V. y Aruba Stamps.