Home Local Aruba Bank contento di a forma parti di Aruba Beach Tennis Open...

Aruba Bank contento di a forma parti di Aruba Beach Tennis Open 2017

SHARE

ORANJESTAD – Aruba, Durante November 12 pa November 19 a tuma luga e competencia di beach tennis internacional y esaki tabata organisa p’e organisacion Beach Tennis Aruba. Durante e competencia aki, a conta cu hungadonan local y internacional, kendenan a bataya fuerte den tur categoria. Aruba Bank un biaha mas a sponsor evento deportivo, mustrando nan sosten pa deporte.

Aruba Bank tabatin 2 team cu a representa nan y e teamnan tabata consisti di Ryan, Jeremy, Clyde y Jairzinho, kendenan a participa den e categoria di dobel. Diabierna y diasabra e teamnan di Aruba Bank a competi y nan a haci nan maximo esfuerso durante nan weganan, unda cu tur team tabata kier a gana.

Pa algun aña caba Team Aruba Bank ta participa den Aruba Beach Tennis Open. Hopi local a bin apoya e teamnan di Aruba Bank, pero tambe tur esunnan cu a representa Aruba. Pabien na tur ganado y participante.