Home » Fin di aña Cultural na Fiesta di Cunucu 2017

Fin di aña Cultural na Fiesta di Cunucu 2017

by Admin
0 comment 76 views

Cuater aña pasa Stichting Monumentenfonds Aruba (SMFA) a aserca diferente partnersnan cultural pa organisa un fiesta di cunucu pa asina celebra e casnan di cunucu como e monumentonan cu mas ta resalta riba nos isla.

Y asina hunto Departamento di Cultura Aruba, Santa Rosa y Fundacion Museo Arubano nos a organisa e prome Fiesta di Cunucu na aña 2014. E actividad a bira un exito completo caminda cu tur aña den luna di september e publico ta cuminsa puntra pa e tan gusta Fiesta di Cunucu.
Na 2015 nos a celebra den e bario di Brasil y na 2016 na Koyari.

E aña aki nos ta bolbe bek Tanki Leendert 65 dia 26 di November. E cas ta un cas di cunucu cu tin mas di 70 aña y tabata pertenece originalmente na famia Brete.

E aña aki e Fiesta di Cunucu lo ta den un ambiente di fin di aña caminda cu lo decora e cas un biaha mas cu mueblesnan di Community Museum tambe e museo lo tin un persona presente cu lo duna informacion tocante e diferente mueblesnan antiguo y lo por siña tambe un tiki tocante e custumbernan di antes y e tradicionan di fin di aña.

Santa Rosa ta organisando un mercado completo un biaha mas cu cumindanan crioyo matanan local, artesania di pasco y actividad pa mucha.

Pa locual ta trata Departamento di Cultura cu ta encarga cu e programma cultural pa e dia aki a hinka un programa hopi varia den otro cu entre otro; Caha di Orgel ‘Trupial’, Chaz Dancers, Bertha Wolff, Steelband “ Steel Edition” Tipico Ola Musical, Rosea Cultural, Sharon Rose, Tipico Pegasaya, Mighty Whitey, Gaita Los Paranderos, Javina Besselink y 2 or nos lo clausura e evento cu Grupo di Betico.

E aña aki no por falta tambe e Wantomba cu ya a bira un simbolo di nos Fiesta di Cunucu. E Wantomba ta repartiendo premio tambe e aña aki. Bishita e fiesta di Cunucu, Saca un selfie cu e Wantomba, upload esaki riba pagina di Facebook di Stichting Monumentenfonds Aruba y gana un weekendstay di La Cabana Beach Resort and Casino y tambe premionan di Aruba Aloe.

SMFA ta trahando un biaha mas tambe hunto cu Museo Archeologico caminda cu nan ta organisando e Expedicion Archeologico riba e mesun fecha aki cu tres bus cu lo bishita diferente sitionan arkeologico y nan lo hasi un stop tambe na e Fiesta di Cunucu pa asina e participantenan lo por disfruta tambe di e actividad y cumpra cos na e mercado di Santa Rosa. Pa mas informacion y registra pa e Expedicion por tuma contacto cu Museo Archeologico na 582 8979.

SMFA, DCA,FMA y Santa Rosa ta invita un y tur pa bin cu famia completo bin disfruta di e Fiesta di Cunucu 2017 dia 26 di november entre 10:00 y 15:00 na Tanki Leendert 65.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio