Home Police Un sospechoso den caso di asesinato na Tanki Leendert a entrega su...

Un sospechoso den caso di asesinato na Tanki Leendert a entrega su mes na warda di polis

SHARE

Macuarima – Dialuna anochi laat un homber cu posiblemente ta envolvi den e asesinato di diadomingo ultimo na Tanki Leendert a entrega su mes na warda.

Tanki Leendert, caminda e asesinato a tuma luga

Informacion cu nos ta dispone di dje ta indica cu dialuna anochi laat den careda di 11’or, un homber di nacionalidad Colombiano ta presenta na warda di polis y ta entrega su mes.

No ta mucho duidelijk si ta trata di un solo persona cu a comete e acto diadomingo ultimo, of tin mas hende envolvi.

Manera nos a trece dilanti caba, diadomingo marduga un homber a wordo asesina ariba caminda principal di Tanki Leendert, momento cu e lo a ricibi un of mas hinca.
Esnan cu a comete e acto a bandona e sitio mes ora, lagando e victima benta dilanti un cas, caminda e ta fayece.