Home » Presidente di Parlamento Guillfred Besaril: Acuerdo di cooperacion a wordo firma entre Sindicatonan di Polis di islanan BES, Corsow y Aruba

Presidente di Parlamento Guillfred Besaril: Acuerdo di cooperacion a wordo firma entre Sindicatonan di Polis di islanan BES, Corsow y Aruba

by Admin
0 comment 135 views

 

Recientemente a tuma luga na un actividad di sindicatonan di Polis  cu a wordo organisa door di SPA. Sindicatonan di Polis presente tabata NABP BESS, A.B.V.O. y NABP Corsow. E meta principal di e encuentro aki tabata pa estrecha lasonan entre e sindicatonan y cera un acuerdo di cooperacion entre dicho sindicatonan.

Parlamentario y alabes Presidente di Parlamento, Sr Guillfred Besaril a atende e actividad aki y a wordo compaña pa Parlamentario sr Ricardo Croes.

Sr Besaril a fungi como Presidente di SPA prome cu e la dicidi di cambia su carera y bira politico pa sirbi su pais den un otro manera. Durante e ocacion importante aki, el a hiba palabra na unda el a relata su experencia como Presidente di SPA y a indica su deseo pa mira e sindicatonan di Polis entre e islanan traha hunto pa bienestar di e pueblonan.

Pa e ocacion aki, Parlamentario Besaril a bisa lo siguiente: “Pa mi tabata un inmenso honor y placer di a wordo invita y participa na un encuentro asina importante entre e sindicatonan di Polis di e islanan. Como ex Presidente di sindicato di Polis SPA, mi ta sumamente contento cu e acuerdo di cooperacion cu a wordo firma entre e sindicatonan y cu nos por mira riba un miho cooperacion entre e islanan pa asina fortelece nos cuerpo polisial”.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio