77
Camacuri – Diamars anochi algo prome cu 7’or, melding ta drenta di un accidente serio dilanti Aruba Bank na Camacuri.
Mirando unda e accidente a sosode, un caminda cu ta conoci pa accidentenan serio, varios patruya mesora a bay na e sitio. E caminda for di altura di Pricesmart, te cu rotonde Las Américas a wordo cera pa un rato den ambos direccion.
Na e sitio nan ta topa cu un Hyundai Accent shinishi, e parti dilanti completamente destrui y mas panort un boto benta boca abou, riba e tereno di Aruba Bank.
Na e sitio Polis a bin compronde cu e boto lo tabata ariba un trailer patras di e SUV berde y esaki a zwaai y a los for di e auto y a bay dal na e parti dilanti di e Hyundai Accent.
Na prome instante a pidi pa materiaalwagen di Brandweer, paso a pensa cu lo por tin hende pega den auto, pero esaki no tabata e caso y a cancela brandweer.
E ocupante di e Hyundai a wordo trata na e sitio pa personal di ambulance, pero e tabata bon y no mester a wordo transporta pa hospital.
E daño material ta considerabel, polis a mantene e caminda pa un rato cera y despues a keda warda riba takelwagen pa busa e auto.