Home Police Kiebro y ladronicia den dos kiosko den havenstraat.

Kiebro y ladronicia den dos kiosko den havenstraat.

SHARE

Oranjestad: Dialuna den oranan di marduga, presencia di polis ta wordo rekeri na dos Kiosko den Havenstraat pa motibo di kiebro y ladronicia

Na yegada polis enberdad ta nota cu e dos kioskonan cu ta keda pazuid di e parkinglot di Kong Hing a ricibi bishita di ladron, aparentemente lo ta trata di adictonan ambulante kendenan lo a kibra y drenta horta den e kiosko di Lotto, Nancy Lottery y tambe den e Kiosko cu ta bende souveniers, Gift to go.

Polisnan a bin topa cu e fannan di e lugarnan benta patras di e kioskonan. Polis a purba haya contacto cu e doñonan di e kioskonan pero no tabata posibel pa yega den contacto cu nan y a dicidi di cera e kioskonan mas mihor cu ta posibel.

Den oranan di mainta na momento cu e doñonan yega, nan mes lo nota cu nan tabata victima di kiebro y ladronicia, nan  lo por haci un denuncia y entrega un lista di tur loke a wordo horta.