Home » Homber actuando manera payaso y bou influencia, no kier a paga su cuenta. Ela keda deteni pa polis

Homber actuando manera payaso y bou influencia, no kier a paga su cuenta. Ela keda deteni pa polis

by Admin
0 comment 57 views

Palm Beach – Diadomingo marduga den careda di 5’or polis ta bay e establecimiento nocturno na Palm Beach, yama Eclipse.
Motibo tawata cu tin un homber den e negoshi y no kier paga su cuenta.

Na yegada di polis nan a papia cu un tal Darwin, cu a bisanan cu e homber no kier paga y ta hopi fastioso.
E homber a resulta di ta JD Valencia Rebellon.

Cada biaha e tawata haci fastioso cu e agentenan na e sitio. Su cuenta cu e mester a paga tawata 65florin, pero tawata tin solamente 25florin den su cartera.
Esey a wordo duna na e bartender, pero ainda a keda 40florin pa paga.

Nan no tawata kier e persona mas den e luga y nan lo no kier wak nunca mas eyden door di su comportacion. Te hasta nan a bise e no mester paga e 40florin mas tampoco.

Polisnan a keda puntra varios biaha pa su adres y ela nenga di duna esaki.
Juan asina yama e homber cu no kier a paga, a bay para dilanti un spiel y a cuminsa pose y despues a bay para den un posicion pa bringa, tur esaki dilanti e spiel.

Ey no a stop eynan. Ela bin para banda di e agente policial y a puntre si e kier bringa cune. E tawata keda hari y haci yen cos di payaso segun e agentenan.
No a keda e agentenan nada otro cu detene pa buracheria, caminda cu transportwagen a presenta y a hibe warda di Shaba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio