Home Lifestyle Cachonan ta usa expresionnan di cara pa comunica cu hendenan

Cachonan ta usa expresionnan di cara pa comunica cu hendenan

SHARE

Cachonan no solamente ta atento na atencion di e ser humano, tambe nan repertorio di expresion di cara ta completamente diferente ora un persona ta waknan, segun un estudio haci na University of Portsmouth na United Kingdom.

Expertonan na e Centro pa train cacho na e University di Portsmouth a haya “evidencia cu cachonan ta move nan cara como un manera directo, momento cu e ser humano duna nan atencion” mientras cu si bo pone un cuminda cu nan ta gusta nan no ta haci esey.

E diferencia aki ta sugeri cu e cacho por of ta adopta diferente expresionnan facial “pa comunica y no únicamente ora e ta contento”, segun un comunicado di e universidad.

Y si tin un expresion cu ta predomina ariba e resto, esta bou di e cachonan cu nan a studia, ta e momento cu nan ta hisa nan wenkbrouwnan, cu ta haci nan wowo mas grandi, un gesto conoci bou e nomber Puppy Eyes.

Ser humano “ta masha sensitivo pa expresionnan” di Puppy eyes, cu por mustrabo momento un persona ta tristo, y di e manera ey genera un mayor simpatia of cordando ariba mucha chikito.

Autor principal di e estudio, Juliane Kaminski, a indica cu awor e por ta sigur cu e expresionnan facial di cachonan “ta depende di e atencion cu e ta hayando y no ta resultado cu e animal ta excita”.

Tambe e experto a señala e posibilidad cu e expresionnan di e cacho “por a cambia tambe den e proceso ora cu nan a wordo cria na cas of domestica”.

Resultado di e estudio “ta support e evidencia cu cachonan ta hopi sensitivo na e atencion humano y diferente expresionnan facial ta intentonan potencial activo pa trata na comunica, y no un simpel demostracion emocional”.

Mayoria di mamifero ta realisa expresionnan facial, cu ta wordo considera un parti importante di su conducta, aunke pa un tempo largo a asumi cu ta algo “involuntario y cu tawata depende di e estado emocional normal di e animal dilanti hende”.

Durante e estudio a usa 24 cacho di cas di diferente raza y di edadnan entre 1 pa 12 aña. Tur a wordo mara na un cabuya di 1 meter for di un persona y nan cara a wordo graba ora e persona tawata waknan of momento cu tawata distrai, entre otro situacionnan.

Cu e sistema di analisis di facial expresion di cachonan ta analisa movecionnan di e musculonan di cara di animalnan.

Cachonan domestico tin “un historia unico, nan a biba cu humanonan durante 30.000 aña” e coexistencia a “influencia e capacidad di e cachonan pa comunica cu nos”, segun Kaminski.

Estudionan previo sa cu cachonan di cas ta masha atento pa e ser humano (animalnan lo a horta mas cuminda di e ser humano si esaki tawata tin su wowonan cera of si nan tawata di lomba).

E estudio nobo aki “ta un paso cu nos ta compronde e comportacion di un cacho. Awor nos sa cu e cachonan ta produci expresionnan facial momento cu e ser humano ta dunando nan atencion”.

Den un reportahe di ABC, ta ser bisa cu te awor tawata sa cu algun macaco por a haci expresionnan facial dependiendo e audiencia, pero no a yega di analisa e capacidad di cachonan den un forma sistematico manera e gestonan di nan cara pa comunica cu e ser humano.

 

Un Collie, cu posiblemente ta sinti malo