Home Police Dos homber ta dal un otro un mokete y ta ranka su...

Dos homber ta dal un otro un mokete y ta ranka su Iphone bay cune

SHARE
Tanki Leendert: Diadomingo algo pasa di 4’or di marduga, polis ta wordo pidi dilanti Cas Casuela pa un caso di robo cu maltrato.
 
Na yegada nan ta topa cu un homber otro banda di caminda para, e homber kende tabata e victima di e robo a conta e agentenan policial,  cu ta di vakantie e ta na Aruba y a dicidi di sali cu un par di amigo. Ora nan a yega Cas Casuela, ela cuminsa sinti’e malo y a dicidi di keda pafo y warda.
 
E homber a cay sinta riba vloer dilanti Cas Casuela, na dado momento un Nissan Fuga blanco ta yega para banda di dje y dos homber a baha for di e auto y a puntr’e si e ta sinti’e bon y inesperadamente un di nan a dal’e un mokete den su cara y a coi su Iphone for di dje.
 
E dos hombernan a subi bek den e auto y a core bay direccion di e casnan di FCCA den Seroe Patrishi. Ambos homber tabata tin jeans bisti y un tabata tin un t-shirt bruin cla bisti, ambos tabata bruin.
 
E patruya a tira bista den e area di Sero Patrishi pero no a logra topa cu e auto.E caso di robo aki ta den man di autoridad pa mas investigacion.