Home Uncategorized Musica Jazz ta hopi divertido, seriamente divertido

Musica Jazz ta hopi divertido, seriamente divertido

SHARE

Musica ta pa tur hende, a pesar di lenguahe, clase social, nacionalidad, cultura ni edad. Caribbean Sea Jazz Festival (CSJF) tin como obhetivo pa provee e plataforma cultural cu un mescla di musiconan internacional y local di bon calidad cu ta accesibel pa un rango grandi di amante di musica, for di chikito pa grandinan y for di e turista pa e Arubianonan.  Pesey mes CSJF ta considera cu ta importante pa e hubentud di Aruba familiarisa nan mes cu e diferente trendsnan entre otro Jazz, Soul y Latin music. Hopi artistanan di pop famoso tin nan rais of nan a haña nan inspiracion for di Jazz, Soul y Latin music.

 

Nombernan grandi di e musica internacional a presenta durante e CSJF den añanan reciente. Tambe e aña aki varios artista grandi lo presenta na e CSJF. Aunke e artistanan aki no ta pertenece na un “categoria di musica” cu diariamente nos hubentud ta scucha. Ora bo puntra un mucha si nan tin un cancion, por ehempel, di Maceo Parker of Ruben Blades riba nan iPod of cellular, ta keda un silencio desagradabel.

 

CSJF su proposito ta pa habri e horizonte musical di e hubentud door di trece nan den contacto cu diferente e stilo di musica y cultura. Pa tur e studiantenan di Aruba, e organisacion lo duna ticketnan special pa e CSJF na un prijs reduci di AWG 10,- pa persona. E ticketsnan aki ta pa hobennan te cu 16 aña di edad y e ticket lo ta solamente valido si por mustra un ID valido. E festival lo tuma lugar na Renaissance Festival Plaza riba Diabierna 15th di September y Diasabra 16th di September. E ticketsnan pa hubentud lo ta disponibel na Cas di Cultura y Unoca.

Pa mas informacion subi e website: www.caribbeanseajazz.com