Moko: Diabierna algo pasa di di 10’or di anochi, ta sosode e di 61 atraco arma, cu arubanative.com a cubri pa aña 2017, e biaha aki tabata beurt un biaha mas di Mokominimarket, e minimarket aki den pasado varios biaha tabata victima caba di atraconan arma.
Na yegada di e prome patruya nan ta bin compronde cu ta trata di dos persona di habla spaño, ambos bisti cu un capuchon y cu arma di candela den nan poder a yega y exigi placa.
Despues cu nan a logra haya un poco mas cu mil florin, nan a baha na awa riba un scooter y a bay direccion nort, no ta conoci si a bira bay direccion di Calabas of a sigui straight direccion di Kudawecha.
Mesora a cuminsa un buskeda den e area, pero sin resultado, recherche di atraco team a bay na e sitio pa asina haci mas investigacion.